Azərbaycan Beynəlxalq Bankı nizamnamə kapitalını artırır
Bankın səhmdarları 100 milyon manatlıq səhmlərin emissiyası yolu ilə nizamnamə kapitalının 340 milyon manata yüksəldilməsi barədə qərar qəbul ediblər.
Səhmlərin yerləşdirilməsinə qanunvericilikdə nəzərdə tutulmuş tədbirlər başa çatdırıldıqdan, yəni buraxılışın Qiymətli Kağızlar üzrə Dövlət Komitəsində qeydiyyatından, emissiya barədə məlumatın Bakı Fond Birjasının saytında dərc edilməsindən sonra başlanacaq. Bundan sonra səhmdarlara bu məsələ ilə əlaqədar əlavə məlumatın verilməsi məqsədilə bildiriş göndəriləcək.
