Empire State qülləsinin səhmləri birjada satışa təqdim olunacaq
Empire State binasının sahibi olan Empire State Realty Trust şirkəti kapitalını 1 milyard dollar səviyyəsinə qədər artırmağı planlaşdırır. Şirkət səhm satışı vasitəsilə buna nail olacaq. Artıq New York birjasında şirkətin səhm satışı üçün kvota da açılıb.
Qeyd edək ki, bu səhmləri alan şəxslər həm də ABŞ-ın ən yüksək ikinci binasının səhmdarı olacaq. Qeyd edək ki, bu bina 1932-ci ildə tikilərək təhvil verilib və 1972-ci ilədək - Dünya Ticarət Binasının tikintisinədək ABŞ-ın ən yüksək binası olub. Hal-hazırda Chicagoda Sears qülləsi ABŞ-ın ən hündür binasıdır və ikinci hündür bina statusu da Empire State binasına məxsusdur. Bu bina cəmisi iki il ərzində tikilib və tikintisində 55 min ton polad, 10 milyon ədəd kərpic, 760 km. elektrik naqili, 96 km. su borusu, 5600 km. telefon xətti istifadə olunub. Ehtimal olunur ki, binanın ağırlığı 331 min tondur. Şirkətin səhm satşlarını Bank of America, Merrill Lynch və Goldman Sachs şirkətləri aparacaq.
