Steve Jobs ölümündən sonra da mükafatlar almağa davam edir
Apple şirkətinin əfsanəvi direktoru Steve Jobs ölümünün üzərindən aylar keçməsinə baxmayaraq təltiflər almağa davam edir.
Grammy təşkilatının təşkil etdiyi musiqi mükafatı bu il Steve Jobsa verilib. Bu mükafatın Jobsa verilməsinin səbəbi isə dahi menecerin sağlığında musiqi sektorunda inkişafa güclü təkan verməsi olub. Hər kəsə məlum olduğu kimi Apple-ın bazara iPod və iTunes kimi cihazları çıxarmasından sonra musiqi sektorunda güclü irəliləyiş başlayıb. Həm istehsal olunan cihazlar, həm də onlarla bərabər təklif olunan proqram əlavələri musiqi məhsullarının satışı və rahat istifadəsi üçün əvəzedilməz rol oynayıb.
