DÜNYA
Avroqrup Yunanıstanı defoltdan xilas etdi
Avrozona ölkələrinin maliyyə nazirləri şurası (Avroqrup) bu ölkəyə 130 milyard avro həcmində kredit ayırmağa razılaşıb.
Fevralın 21-də Avroqrup tərəfindən təsdiq edilən proqrama görə, 2020-ci ilədək Yunanıstanın dövlət borcu ÜDM-in 120%-ni (hazırda bu rəqəm 160%-dir) təşkil edəcək. Yunanıstanın maliyyə naziri Evangelos Venizelos proqramın artıq sabahdan işə başlayacağını bildirib.
Yeni kredit tranşını almaq üçün Yunanıstan bir sıra şərtləri yerinə yetirməlidir: yeni büdcə tədbirləri haqqında qanun qəbul etmək; dövlət idarəetməsində islahatlar aparmaq və cari il üzrə büdcəyə və pensiya xərclərinə yenidən baxmaq.
Avroqrupun rəhbəri Jan Klod Yunker qeyd edib ki, Yunanıstanın bank sektoru dövlət borcunun nominal həcminin 53,5%-ni silməyə razılıq verib. Bu isə 230 milyard avro deməkdir.
