Mərkəzi Asiya və Şərqi Avropada ərzaq istehsalı istehlak artımını üstələyir
Ərzaq istehsalı üzrə artım templərinin bu səviyyədə qaldığı halda bu bölgələrin aparıcı tədarükçüyə çevrilməsi proqnozlaşdırılır.
Son 10 ildə Mərkəzi Asiya və Şərqi Avropa ölkələrində ərzaq istehsalında sürətli artım müşahidə edilsə də, onun adambaşına istehlakı o qədər də çox artmayıb. Bu barədə Ərzaq və Kənd Təsərrüfatı Təşkilatının (FAO) “Dünyada ərzaq və kənd təsərrüfatı sahəsində işlərin vəziyyəti” hesabatında bildirilir. Hesabatda, həmçinin regionda ərzaq istehsalının artım sürətinin sabit saxlanması halında buranın artan dünya bazarları üçün aparıcı əmtəə tədarükçüsü ola biləcəyi ifadə edilib.
Hesabatda, həmçinin qeyd edilib ki, 2010-cu ildə dünyada aclıqdan əziyyət çəkən insanların sayı azalaraq 2009-cu ildəki pik səviyyədən-1,023 milyarddan 925 milyon nəfərə enib.
