Azərbaycan Sığortaçılar Assosiasiyası üzvlük haqlarının alınmasında dəyişikliklər edib
Bu barədə qərar təşkilatın Müşahidə Şurasının iclasında verilib.
Azərbaycan Sığortaçılar Assosiasiyası təşkilata üzv olan şirkətlər üçün üzvlük haqlarının həcmində dəyişikliklər edib. Təşkilatın icraçı direktoru Azər Əliyevin sözlərinə görə, dekabrın 22-də Azərbaycan Sığortaçılar Assosiasiyası Müşahidə Şurasının iclasında üzvlük haqlarının ödənilməsi forması dəyişilib.
Edilən dəyişikliklərə əsasən, üzvlük haqqının məbləği minimum 5 min manat, maksimum 16 min manat təşkil edəcək. Maksimal məbləğ Müşahidə Şurasının üzvlərinə tətbiq ediləcək. Digər şirkətlər üçün üzvlük haqqı şirkətin vəziyyətindən, onun bazardakı payından və digər meyarlardan asılı olaraq müəyyənləşdiriləcək.
