Tvinninq layihəsi çərçivəsində seminarların keçirilməsi davam etdirilir
«Azərbaycan Respublikasında dövlət maliyyə nəzarəti sisteminin təkmilləşdirilməsində Dövlət Maliyyə Nəzarəti Xidmətinə dəstək» Tvinninq layihəsi çərçivəsində növbəti seminar keçirilmişdir.
Avropa Birliyinin Avropa Qonşuluq Siyasətinin Azərbaycan Respublikası üçün Fəaliyyət Proqramı çərçivəsində Avropa Komissiyası tərəfindən maliyyələşdirilən və Azərbaycan Respublikası Maliyyə Nazirliyinin benefisiarı olduğu «Azərbaycan Respublikasında dövlət maliyyə nəzarəti sisteminin təkmilləşdirilməsində Dövlət Maliyyə Nəzarəti Xidmətinə dəstək» adlı Tvinninq layihəsi çərçivəsində seminarların keçirilməsi davam etdirilir. 15-16 fevral 2012-ci il tarixlərdə layihənin ekspertləri tərəfindən Azərbaycan Respublikasının Maliyyə Nazirliyinin Dövlət Maliyyə Nəzarəti Xidmətinin müvafiq vəzifəli şəxsləri üçün «Dövlət xərclərinə ümumi nəzarət mövzusunda ixtisaslaşma seminarı» keçirilmişdir.
