Mərkəzi Bank antiböhran aləti hazırlayıb
Qurum 2011-13-cü illər üzrə makroiqtisadi diaqnostika çərçivəsində növbəti böhran halına tam hazırlıq mövqeyinə nail olub.
Bu barədə son müsahibələrindən birində Mərkəzi Bankın Tədqiqatlar və İnkişaf Mərkəzinin Tədqiqatlar Departamentinin direktor müavini Şaiq Adıgözəlzadə bildirib.
Qeyd edək ki, bank tərəfindən hazırlanan son makroiqtisadi diaqnostika 2011-13-cü illəri əhatə edir. Bu diaqnostika 2008-ci ildə başlayan dünya maliyyə böhranı müddətində makroiqtisadi göstəricilər əsasında hazırlanıb. Ümumiyyətlə Mərkəzi Bank ölkədəki iqtisadi vəziyyətdən asılı olaraq 3 il, 5 il və daha böyük müddət üzrə makroiqtisadi diaqnostikanı hazırlayır.
Mərkəzi Bankın apardığı makroiqtisadi diaqnostikanın əsas məqsədi pul siyasətinin yeni rejim üzrə daxili institutsional inkişafının sürətləndirilməsi, habelə makroiqtisadi risklərin qiymətləndirilməsidir.
