İpoteka Fondunun 3 milyon manatlıq istiqrazları yerləşdirilib
Bu zaman sifarişlərin ümumi həcmi 10,891 milyon manat təşkil edib.
Bu barədə Mərkəzi Bank yanında Azərbaycan İpoteka Fondunun məlumatında bildirilir.
Fondun istiqrazlarına olan tələbin təklifi 3,6 dəfə üstələdiyi ifadə edilib.
Mayın 12-də Bakı Fond Birjasında AİF-in 3 milyon manat həcmində faizsiz sənədsiz təminatlı adlı istiqrazlarının emissiyasının növbəti hissəsinin yerləşdirilməsi həyata keçirilib. Hərracda sifarişlər iki investor tərəfindən ümumi məbləği nominal üzrə 10,891 milyon manat həcmində edilib. Satışa çıxarılmış istiqrazları bütünlüklə yerləşdirilib. Sifarişlər cari qiymət üzrə təqdim edilib. İstiqrazların ödənilmə müddəti 11 dekabr 2017-ci ildir. Yerləşdirilmənin ilkin təşkilatçısı qismində Mərkəzi Bank çıxış edir.
